Yurtimizda ishlab chiqarilgan elektrotexnika mahsulotlari eksport geografiyasi (2020)

TURKIYA

(100,4 mln. AQSh dollari)

QOZOG'ISTON

(49,7 mln. AQSh dollari)

ROSSIYA

(44,2 mln. AQSh dollari)

QIRG'IZISTON

(27,1 mln. AQSh dollari)

TOJIKISTON

(17,0 mln. AQSh dollari)

OZARBAYJON

(16,7 mln. AQSh dollari)

Elektrotexnika mahsulotlari eksportiga berilgan imtiyozlar

O‘zbekiston Respublikasi Prezidentining «Elektrotexnika sanoatini yanada rivojlantirish va mahalliy mahsulotlarning raqobatbardoshligini oshirishga doir qo’shimcha chora-tadbirlar to’g’risida»gi 2021-yil 2-martdagi PQ-5011-son qaroriga muvofiq Respublikamiz korxonalari tomonidan ishlab chiqarilgan elektrotexnika mahsulotlarini eksport qilishda quyidagi imtiyozlar taqdim etiladi:

  • «O’zeltexsanoat» uyushmasi kafolatlariga asosan, elektrotexnika mahsulotlarini eksport qilish natijasida yuzaga keladigan QQS (qo’shimcha qiymat solig’i) summasi Davlat soliq qo’mitasi tomonidan 3 kun muddatda qoplab beriladi;
  • Yuqori qo’shilgan qiymatli mis mahsulotlarini eksport qiluvchi tarmoq korxonalarining mahsulotlar ishlab chiqarish va ularni tashqi bozorlarda sotish bilan bog’liq xarajatlar mahsulot turlaridan kelib chiqib, eksport qiymatining 6 foizigacha miqdorda qoplanadi;
  • eksport qiluvchi korxonalarni aylanma mablag’lar bilan to’ldirish uchun Eksportni rag’batlantirish agentligi tomonidan 3 mln.dollaridan ko’p bo’lmagan miqdorda yillik 2 foizli stavkada revolyer tartibda mablag’lar ajratiladi;
  • elektrotexnika mahsulotlarini barcha davlatlarga, jumladan qo’shni davlatlarga eksport qilishda eksport qilishda barcha turdagi transport xarajatlarining 50 foizi Eksportni rag’batlantirish agentligi tomonidan subsidiya qilinadi;
  • Xalqaro ko’rgazmalar va yarmarkalarda ishtirok etish bilan bog’liq xarajatlarning 50 foizi (lekin bitta holat bo’yicha ekvivalenti 10 ming AQSh dollaridan ko’p bo’lmagan miqdorda) Elektrotexnika sanoatini rivojlantirish jamg’armasi mablag’lari hisobidan qoplanadi;
  • tanlovlar (tenderlar) doirasida tijorat banklaridan kafolatlar olishda garov ta’minoti sifatida Eksportni rag’batlantirish agentligi tomonidan kafolat summasining 50 foizigacha moliyaviy kafilliklar beriladi;